Ինչո՞ւ երեխաները չեն զգում ժամանակը

Եթե դեռահասը մշտապես չի հասցնում ժամանակին դասավորել դպրոցական պայուսակը, հավաքել անկողինը կամ հագնվել, ապա դա չի նշանակում, որ նա ծուլանում է կամ չի ցանկանում անել այդ։

Երեխայի առողջության ինստիտուտի և Կոգնիտիվ նեյրոգիտության ինստիտուտի (Մեծ Բրիտանիա) հոգեբանները պարզել են այդպիսի վարքի հնարավոր պատճառներից մեկը։ Բանն այն է, որ րեխաներն ու դեռահասները լավ չեն պատկերացնում, թե որքան ժամանակ են խլում իրենց գործողությունները։

Հետազոտողները խնդրել են տարբեր տարիքի մարդկանց ձեռքերով որոշակի շարժումներ անել, իսկ հետո առաջարկել են նույն անել մտովի։ Պարզվել է, որ երեխաների (ի տարբերություն մեծահասակների) համար իրական և մտքում անցկացրած ժամանակը գրեթե կապ չունեն միմյանց հետ։

Գիտնականները դա բացատրում են գլխուղեղի գորշ նյութի ուշ հասունացմամբ, այն պատասխանատու է շարժումների ներքին պատկերի համար և լիովին ձևավորվում է քսան տարեկանից հետո միայն։