Պարելով դեպի կրկնակի մաստեկտոմիայի վիրահատության. տեսանյութ
1216
Dailymail.co.uk-ը գրում է, որ 52-ամյա Դորետա Նորիսին Ստոկբրիջի Պիդմոնտ Հենրի հիվանդանոցի բուժքույրերը, բժիշկներն ու այլ աշխատակիցները պարելով են ճանապարհել կրկնակի մաստեկտոմիայի վիրահատության:
«Լսելով երաժշտությունը՝ սկսեցի պարել: Դա հուզառատ պար էր: Աշխատակիցները մոտենում էին ինձ, գրկում, պարում և քաջալերող խոսքեր ասում: Այն զգացումն ունեի, թե կարող եմ նվաճել ամբողջ աշխարհը»,- ասել է Դորետան:
Պարելով վիրահատության գնալու միտքը ծագել է նմանատիպ վիրահատություն տարած մեկ այլ կնոջ՝ Դեբորա Կոհենի ֆլեշմոբը տեսնելուց հետո: Վիրահատությանը պատրաստվելիս նա բուժքրոջը հայտնել է, որ նախքան վիրահատարան մտնելը ցանկանում է նմանատիպ մի բան անել: Մի խումբ բժիշկներ համաձայնեցին և իրենք էլ մասնակցեցին՝ քաջալերելով Նորիսին:
Ինչպես հայտնում են, վիրահատությունը բարեհաջող է ավարտվել:
