Կրկին մայրանալու անասելի երջանկությունը

Վերջերս լույս աշխարհ եկած Նատալիի մայրիկը՝ Վիկան, պատմում է, որ առաջին երեխայից հետո ունեցել է երկու անհաջող հղիություն: Այնուհետև, ինչպես ինքն է բնորոշում, Աստծո հրաշքով գտել է իր բժշկին՝ Պավել Օլեգի Սոցկիյին, և զանազան հետազոտություններից ու պատճառը պարզելուց հետո բուժում ստացել, հղիացել: «Միասին անցել ենք շա՜տ դժվարություններով․ այդ ինն ամիսներն ինձ համար չափազանց երկար էին, բայց բժշկիս շնորհիվ հաղթահարեցի, ու հրաշքով ծնվեց մեր տան երկրորդ ուրախությունը:»,- նշում է Վիկան:

Ինչպես ցանկացած կին, այնպես էլ նա տարբեր զգացումներ է ունեցել, երբ իմացել է, որ բոլոր ջանքերը զուր չեն անցել, և ինքը կրկին հղի է, իսկ երկարուձիգ ինն ամիսներից հետո առաջին անգամ փոքրիկին գրկելուց հետո անբացատրելի զգացում է ունեցել՝ լի հոգատարությամբ և սիրով: «Այդ պահին մի բան էի զգում՝ անասելի երջանկություն։ Նայում էի փոքրիկիս ու մտածում՝ մի՞թե ես կարող էի այսքան մեծ պարգև ստանալ Աստծուց, մի՞թե այս հրաշքն ինձանից է ծնվել:»,- պատմում է մայրության բերկրանքը ևս մեկ անգամ ճաշակած մայրիկը: