Սրտի ընկերը․ սխտոր

Սխտորն անոթները պաշտպանում է թրոմբների առաջացումից և դրանով իսկ օգնում կանխել սրտի կաթվածը կամ ինսուլտը։

Ալաբամայի (ԱՄՆ) համալսարանի պրոֆեսոր Դեվիդ Կրաուսը բացատրել է, թե ինչ սկզբունքով է աշխատում այդ պաշտպանական մեխանիզմը։ Ըստ նրա՝ սխտորի մոլեկուլների և արյան կարմիր գնդիկների՝ էրիթրոցիտների հետ հակազդման դեպքում արտազատվում է ծծմբաջրածին, որը հանգստացնում և թուլացնում է արյունատար անոթների պատերը․ լայնացած անոթներում արյան հոսքը լավանում է, ճնշումը նվազում է, կենսականորեն կարևոր օրգանները հագենում են թթվածնով, և սրտի ծանրաբեռնվածությունը նվազում է։

Նա՝ Դեվիդ Կրաուսը, ծրագրում է նոր գիտափորձեր կատարել, որպեսզի հասկանա, թե որքան սխտոր է հարկավոր նմանատիպ խնդիրներից խուսափելու համար։