Կաթը ծխելու դեմ

Հավանական է, որ կաթը, բանջարեղենը և մրգեղենն ընդունակ են օգնել ծխողներին ձերբազատվել վնասակար սովորությունից, քանի որ ազդում են ծխախոտի համի զգացողության վրա։

Ծխախոտի սիրահարների 19%-ը, ով մասնակցել է Դյուկի (ԱՄՆ) համալսարանի բժշկական կենտրոնի հոգեբանների հարցմանը, խոստովանել է, որ իրենց համար ծխախոտի համը վատացնում են կաթնամթերքը և պանիրը, 16%-ն առանձնացրել է բանջարեղենն ու մրգեղենը, ինչպես նաև ոչ ալկոհոլային ըմպելիքները, որոնք զերծ են կոֆեինից (14%)։

Ծխելու ցանկությունն ուժգնացնում են կոֆեին պարունակող ըմպելիքները՝ թեյ, կոլա, սուրճ (45%), ինչպես նաև ալկոհոլը (44%) և միսը (11%)։

Մասնագետները հատուկ սննդակարգ են մշակում նրանց համար, ովքեր ցանկանում են թողնել ծխելը։