Ծիծաղը մտերմացնում է
1454
Հումորը, անեկդոտներն ու կատակները հաճախ օգտագործում ենք լարված իրավիճակը մեղմելու կամ գործընկերոջ, մտերիմ մարդու կամ պատահական անցորդի հետ շփումը բարելավելու համար։
Անկեղծ ծիծաղը մարդկանց միջև վստահության և մտերմության նուրբ ակնարկ է։ Այս ենթադրությունը փորձի միջոցով ստուգել են Նյու Յորքի համալսարանի հոգեբաններ Բարբարա Ֆրեյլին և Արթուր Էրոնը։
Նրանք կամավորներին բաժանել են 48 զույգի (միասեռ)։ Նրանց մի մասը կատարել է չեզոք առաջադրանքներ, մյուս մասը՝ առաջադրաքներ կատակի, նմանակման տարրերով, օրինակ՝ սովորել պարել կապած աչքերով և հետևելով զույգի ցուցումներին։
Պարզվել է, որ այն զույգերը, ովքեր միասին ծիծաղել և կատակել էին, ավելի մտերիմ էին զգում իրար, քան նրանք, ովքեր պարզապես կատարել էին առաջադրանքները։
Հետազոտողները կարծում են, որ գիտափորձն ապացուցել է, որ հումորին պետք է լուրջ վերաբերվել։
