Երգ հոգու և մարմնի անդորրի համար

Երգերը, հատկապես մեղեդային, օգնում են հոգու խաղաղությունը գտնել և հանգստանալ։ Այդ եզրակացության են հանգել Գոտենբուրգի համալսարանի (Շվեդիա) նեյրոկենսաբանները։

Երբ կրկնում ենք ռադիոյով հնչող ռիթմիկ մեղեդին կամ երգչախմբում ենք երգում, մեր շնչառությունը հանգստանում է և հավասարաչափ դառնում։ Իսկ խորն ու համաչափ շնչառությունը ներշունչների և արտաշունչների ռիթմիկ հերթագայությամբ բարձրացնում է թափառող նյարդի տոնուսը, որը կարգավորում է սրտի, փորի և այլ օրգանների կրճատումների հաճախականությունը՝ նպաստելով դրանց անխափան աշխատանքին։

Ընդ որում՝ դրական արդյունքն էլ ավելի զգալի է լինում, ըստ հետազոտողների դիտարկումների, երբ աղոթում կամ մանտրանր են ասում խմբովի։ Միգուցե հենց դրանո՞ւմ է թաքնված աղոթքների բուժիչ ազդեցության բանալին։