Ահա թե ինչի է հանգեցնում հղիության ընթացքում ծխելը
13355
Ուլտրաձայնային հետազոտության այս ուշագրավ պատկերները հստակ բացահայտում են հղիության ընթացքում ծխելու վնասակար ազդեցությունները պտղի ներարգանդային զարգացման վրա:
Բնական զարգացման ժամանակ, որքան մոտենում է ծննդաբերության ժամկետը, այնքան ավելի քիչ է պտուղը բերանին ու դեմքին դիպչում ձեռքերով: Մասնագետները բացատրում են, որ հղիության ընթացքում ծխելը հանգեցնում է երեխայի կենտրոնական նյարդային համակարգի զարգացման դանդաղեցման: Այժմ նրանք բացատրում են այդ վնասները ուլտրաձայնային հետազոտության պատկերներով, որում երևում է, որ ծխող մայրիկի երեխան ավելի շատ է դիպչում դեմքին, քան չծխող մայրիկի երեխան:
Թեև այս հետազոտությունը դեռ պահանջում է ավելի խորը ուսումնասիրություն, այնուամենայնիվ բժիշկները խորհուրդ են տալիս հրաժարվել վատ սովորություններից հղիության ընթացքում, քանի որ դրանց պարագայում խիստ մեծանում են վաղաժամ ծննդաբերության, պտղի շնչառական խնդիրների և նույնիսկ մահվան վտանգները:
